$ 448.15  483.46  4.86

«Қайрат Сатыбалдының әйеліне қолдан келген жәрдемімізді жасап жүрміз» - Мұхамеджан Тазабек

Қайрат аға қандай сауапты садақа жасаса да, «ертең мені қолдасын, мен үшін басын бәйгеге тіксін» деп ешкімді умраға апарған жоқ.
Фото: ашық дереккөз
Фото: ашық дереккөз

Мұхамеджан Тазабек тұтқында жатқан Назарбаевтың немере інісі Қайрат Сатыбалдының әйеліне көмектесіп жүр. Бұл туралы «Talim TV» телеарнасының директоры nege.kz порталына берген сүұхбаты барысында айтты, деп хабарлайды LIFE09 ақпараттық агенттігінің тілшісі.

Журналистің «Қайрат Сатыбалдыны қамауға алғанда неге араша түспедіңіздер?» деген сұрағына Мұхамеджан Тазабек былай деп жауап берді:

«Қайрат аға жайында оң пікірлерім мен бауырлық көзқарастарым эфирде айтылды. Көзіқарақты жанның бәрі хабардар. Отбасымен байланыстамыз. Жеңгей тарапынан сұраныс болған барлық қажеттіліктерге қолдан келген жәрдемімізді жасап жүрміз. Қайрат аға қандай сауапты садақа жасаса да, Алла үшін істеді. «Ертең мені қолдасын, мен үшін басын бәйгеге тіксін» деп ешкімді умраға апарған жоқ. Сондықтан да ағаның жәрдемін көргендер әлеуметтік желіні шулатпаса да, дұғаларында Алладан жеңілдік сұрап жүргендеріне ешбір шүбәм жоқ»,деді Тазабеков.

Ал Қайрат Сатыбалды ұсталған соң көрінбей кеткендігін Мұхамеджан Тазабек: «Біреуден қашатындай ешкім мені іздеп жатқан жоқ. Қоғамның алдында да, мемлекеттің алдында да бетім ашық. Алматыға келіп-кетіп, кіріп-шығып жүрмін» деп түсіндірді.

Сондай-ақ «Talim TV» телеарнасының директоры Қайрат Сатыбалдының ары таза екенін айтты.

«Билік маңайындағылармен бизнес жасап көргем жоқ. Қайрат ағаның өзімен рухани, мәдени жобаларда рухтас болғанымыз болмаса, бірде-бір дүниелік істерде ортақ болмаппын.Сондықтан істің соңын мейірімді Аллаға, сосын соттардың әділдігіне тапсырамын», деді Тазабеков.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары