Жаңалықтар 27.08.2022 сағат 22:20

Жыл соңына дейін мемлекетке бес миллион гектар жер қайтарылады

2022 жылғы 9 тамызда Президент жер мәселелері бойынша тексерулер жүргізуге мораторийдің күшін жоюды көздейтін Жарлыққа қол қойды.
Жыл соңына дейін мемлекетке бес миллион гектар жер қайтарылады
Бөлісу
Бөлісу
Бөлісу

Мемлекет басшысының тапсырмасымен пайдаланылмай жатқан және заңнаманы бұзып берілген жерлерді алып қою бойынша жұмыс комиссиясы құрылды, деп хабарлайды ҚазАқпарат.

Ауыл шаруашылығы министрлігінің мәліметінше, ведомствоның міндеті - жыл соңына дейін мемлекетке кемінде 5 миллион гектар игерілмей жатқан жерлерді қайтару.

«2022 жылғы 9 тамызда Президент жер мәселелері бойынша тексерулер жүргізуге мораторийдің күшін жоюды көздейтін Жарлыққа қол қойды.

АШМ Жер ресурстарын басқару комитетінің аумақтық бөлімшелері 7,45 млн гектар алаңда 2584 субъектіге қатысты тексеру жоспарлады, оның ішінде егістік – 585,2 мың гектар, жайылым 6,86 млн гектарды құрайды», - деп жазды министрлік.

Сонымен қатар, шамамен 3 млн гектар алаңда жерді пайдаланушыларға қатысты 900 жоспардан тыс тексеру тіркелді, нәтижесінде 1 млн 329 мың гектар бойынша жер заңнамасын бұзушылықтарды жою туралы 418 нұсқама енгізілді.

«Жыл басынан бері жергілікті атқарушы органдарға қатысты 103 жоспардан тыс тексеру жүргізілді. Әкімдіктердің ауыл шаруашылығы жерлерін беру туралы 118 шешімі заңсыз қабылданғаны анықталды. Биылдыққа 2 млн 929 мың гектар ауыл шаруашылығы жері қайтарылды. Қазір мемлекетке қайтару бойынша соңғы рәсімдер жүргізіліп жатыр, бұл өткен жылғы 430 мың гектар қалпына келтірілген жерлерге қарағанда 7 есе көп. Бұл бағыттағы жұмыс қарқынды жүргізіліп жатыр», - делінген ведомство хабарламасында.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар