Отандық автосалондардың Ресей мүддесіне жұмыс істеп жатқаны рас па?

Желі қолданушылары отандық автосалондардың ресейліктердің мүддесіне жұмыс істер жатқанын айтып, наразылықтарын білдіруде, деп хабарлайды Ulysmedia.kz.

Ресей автоблогерлері бүгінде Қазақстан арқылы шетелдік маркадағы көліктерді арзан бағамен сатып алуға үгіттеуде. Алайда бұл жайт қазақстандықтардың көңілінен шығып жатқан жоқ. 

“Егер автосалондар жапай ресей нарығына жұмыс істеп жатқан болса, онда олардың барлығын қазіргі жеңілдіктер мен преференциялардан айыру керек. Әйтпесе, бұл біздің бюджетті оңды-солды шашу”, – деп жазуда олар.