Жаңалықтар 15.09.2022 сағат 15:40

«Дәлелдей алмады»: Павлодарда әкім ауыл тұрғынымен соттасып, жеңіліп қалды

Керісінше әкім тұрғынға 250 мың теңге төлеуге мәжбүр.
«Дәлелдей алмады»: Павлодарда әкім ауыл тұрғынымен соттасып, жеңіліп қалды
фото: ашық дереккөз
Бөлісу
Бөлісу
Бөлісу

Павлодарда Григорьевка ауылдық округінің әкімі ауыл тұрғынымен соттасты, деп хабарлайды Pavlodarnews.kz сайты.

Григорьевка ауылының тұрғыны әкім Виталий Бруцкий досына 18 гектар жер рәсімдеген деп әлеуметтік желілерде ақпарат таратқан. Бруцкий мұны жалған ақпарат және қорлау деп,  ақпарат таратушыны сотқа берген. Ар-намысы мен қадір-қасиетін қорғау мақсатында моральдық зиян үшін 500 мың теңге өтемақы төлеуді талап етіп, сотқа талап арыз жазады.

Сот әкімнің талап-арызын қанағаттандырудан бас тартты. Сонымен қатар әкімге  ауыл тұрғынының өкілді қызметтеріне жұмсаған шығысын төлеуге міндеттеді. Бруцкий әйелге 250 мың теңге төлеуге мәжбүр.

Судья Жанна Машанованың айтуынша, әлеуметтік желілердегі ақпарат шындыққа сәйкес келеді.

"Виталий Бруцкий жеке тұлға ретінде талап арыз берді, ал бейнематериалда айтылған сөздер ауылдық округ әкіміне қатысты айтылған", – деп атап өтті судья.

Әкім бір ай ішінде сот шешіміне шағымдана алады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар