Жаңалықтар 22.09.2022 сағат 14:20

Сенатор негізгі азық-түлік бағасын ұстап тұруға қатысты ұсыныс айтты

Андрей Лукин бірде-бір уәкілетті орган осы саладағы заңнаманы ретке келтіру мәселесін қолға алмай отырғанын атап өтті.
Сенатор негізгі азық-түлік бағасын ұстап тұруға қатысты ұсыныс айтты
Фото: ашықдереккөзден
Бөлісу
Бөлісу
Бөлісу

Ресми статистика бойынша азық-түлік бағасы 20 пайызға өскенімен, тауарлар іс жүзінде 50 пайызға қымбаттады. Бұл туралы Сенаттың жалпы отырысында депутат Андрей Лукин айтты, деп хабарлайды ҚазАқпарат тілшісі.

Депутат бұл жағдай жауапты ведомстволар және әкімдіктер тиісті заңнамалық реттеу мен әлеуметтік маңызы бар азық-түлік тауарларының саудасына әдіснамалық әсер етуді қамтамасыз етпейтіндігіне байланысты туындап отыр деп санайды.

«Сауда қызметін реттеу туралы» Заңдағы 9-баптың әлеуметтік маңызы бар азық-түлік тауарларына үстеме ақылардың 15%-дан асып кетуіне жол бермеу туралы талаптары декларативті сипатта болады, оны іс жүзінде ешкім сақтамайды. Бюджет қаражатын тиімсіз пайдалану және ұрлау, әлеуметтік маңызы бар азық-түлік тауарларының көлемін тиісінше сақтамау, бөлу және жоспарлау фактілері, сондай-ақ әкімдіктер жұмысындағы кемшіліктер тұрақты заң бұзушылығына айналды», - деді депутат Премьер-Министр Әлихан Смайыловтың атына жолдаған сауалында.

Андрей Лукин бірде-бір уәкілетті орган осы саладағы заңнаманы ретке келтіру мәселесін қолға алмай отырғанын атап өтті. Сенатор осыған байланысты азық-түлік қауіпсіздігі саласындағы жағдайды жақсарту тетіктерін ұсынды.

«Көлік шығыстарын субсидиялай отырып, әлеуметтік маңызы бар азық-түлік тауарларын тұрақтандыру қорларына бірыңғай жеткізу үшін ірі отандық тауар өндірушілеріне ұзақ мерзімді мемлекеттік тапсырыстар қалыптастыру қажет. Әлеуметтік маңызы бар азық-түлік тауарларының төмендетілмейтін қорын мемлекеттік материалдық резервке ұқсас белгілеу керек. Әлеуметтік маңызы бар азық-түлік тауарларының ішкі нарығын кез келген жағымсыз құбылыстардан қорғау тетіктерін әзірлеуді қолға алу керек», - деді Андрей Лукин.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар