$ 448.15  483.46  4.86

Әдемі көрінгісі келген Өскемен тұрғыны жазаға тартылды

Белгілі болғандай, оны қызбен қарым-қатынас шабыттандырған. Ол кездесуде ерекше әсер қалдыруға тырысатынын мойындады.

Өскеменнің 31 жастағы тұрғыны дүкеннен екі рет кроссовка ұрлаған. Оның бұл қылмыстық әрекетіне әдемі әрі сәнді көрінуге ұмтылу себеп болған, деп хабарлайды Zakon.kz.

Ер адам алғаш рет аяқкимді тамыз айының ортасында ұрлаған.

"Ол ірі сауда орталықтарының біріне барған, оған бренд кроссовка ұнап қалған. Ер адам аяқкиімдегі ұрлыққа қарсы құрылғыны жұлып алып, ескі кроссовкасын қорапқа салған. Дүкеннен ұрланған кроссовкамен шығып кеткен", деп мәлімдеді Шығыс Қазақстан облысы бойынша ІІД баспасөз қызметі.

Ол кезде ұрлықты ешкім байқамаған. Бір айдан кейін ер адам тағы да "гардеробын жаңартуды" ойлаған.

"Белгіленген схема бойынша ол аяқкиімін жаңартып, ізін суытқан. Бірақ бұл жолы қымбат аяқкиімнің жоғалғаны байқалды. Поицейлер бейнебақылау камерасындағы жазбаларды зерттеп, "сәнгерді" анықтады", Шығыс Қазақстан облысы бойынша ІІД баспасөз қызметі.

Белгілі болғандай, оны қызбен қарым-қатынас шабыттандырған. Ол кездесуде ерекше әсер қалдыруға тырысатынын мойындады.

"Іскер замат қылмыстық жауапкершілік туралы ойламаған. Ал оның сәнді аяқкиімге деген сүйіспеншілігі оны 58 000 теңге айыппұл төлеуге және 100 сағат мәжбүрлі жұмысқа тартуға, сонымен қатар 2,6 жылға шартты түрде бас бостандығынан айыруға әкеп соқты", Шығыс Қазақстан облысы бойынша ІІД баспасөз қызметі.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары