Тимати мобилизациядан ешқайда қашпайтынын айтты

Рэпер Тимати отан алдындағы борышын өтеуге дайын екенін айтты. Өнер иесі қазіргі уақытта Мәскеуде екенін және ешқайда қашпайтынын да мәлім етті, деп жазады KAZ.NUR.KZ.

Бұл жайлы Тимати Instagram парақшасында мәлім етті.

"Дәл қазіргі сәтте мен Мәскеудемін. Үйдемін. Ешқайда қоныс аудармаймын, менің орным осында. Әскерге әлі шақырту алмадым. Бірақ бұл шақырту келмейді деген сөз емес. Мен еш саспаймын. Мен бұл оқиғаны қабылдадым, осымен өмір сүремін. Мобилизацияға байланысты көптеген пікір келіп жатыр. Менің қандай патриот екенімді көргісі келетіндер бар. Отан алдындағы борышыңды ерте ме, кеш пе орындауға орындауға тура келеді", - деді Тимати.