$ 448.15  483.46  4.86

Елорда мешіттерінде ұрлық жасап жүрген күдікті ұсталды

Полицейлер мешіттегі тағы екі ұрлық ісіне қатысы барын анықтады.
Фото: polisia.kz
Фото: polisia.kz

Елорда мешіттерінде ұрлық жасап жүрген ұры камераға түсіп қалған, деп хабарлайды ҚазАқпарат Polisia.kz сайтына сілтеме жасап.

Полицияға қала тұрғыны намаз оқып жатқан кезде ұялы телефонын ұрлағанын айтып, шағым түсірген.

«Ер адам смартфонын бір бөлмеге қуаттау үшін қойған. Полицейлер видеобақылау камерасын қарап, күдіктіні анықтады. Жедел-іздестіру шаралары барысында полицейлер 27 жастағы Қостанай облысының тұрғынын ұстады. Күдікті 150 мың теңгелік телефонды алып-сатарларға сатып үлгерген. Полицейлер мешіттегі тағы екі ұрлық ісіне қатысы барын анықтады», - деді полициядан.

Ер адам кінәсін мойындады, ұрлық жасау фактісі бойынша сотқа дейінгі тергеу жүріп жатыр. Ол уақытша ұстау изоляторына қамалды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары