Астанада 14 жастағы қыз 19-қабаттан секіріп, мерт болды

Астанада 14 жастағы жасөспірім қыз 19-қабаттан секіріп, мерт болды, деп хабарлайды Stan.kz ақпарат агенттігі.

Ішкі істер министрлігінің мәліметінше, қараша күні сағат 17.25-те Астана қаласы Алматы ауданының полиция бөліміне шұғыл хабар түскен.

Онда Қуанышбаев көшесінің бойында жасөспірімнің мәйіті табылғаны айтылған.

Тексеру барысында бұл факті расталды.

Полиция қызметкерлері оның жеке басын анықтады. Ол - 19-шы қабаттан секірген 14 жасар қыз болып шықты.

"Аталған факті бойынша ҚР ҚК-нің 105-бабы бойынша сотқа дейінгі тергеу амалдары басталды, тиісті сараптамалар тағайындалды", - деп мәлімдеді полиция басқармасы.