«Миына қан кеткен»: ауыр нокаут алған Айдос Ербосынұлының жағдайына қатысты ақпарат тарады

Айдос Ербосынұлы (16-1, 11 КО) кубалық Давид Моррелден (8-0, 7 КО) нокаутпен жеңілгеннен кейін жағдайы нашарлаған. Бұл туралы бірнеше мәлімет көзі хабарлап отыр, деп хабарлайды Vesti.kz.

Мәселен белгілі инсайдер Дэн Рафаэльдің айтуынша, Айдосты Хеннепин округінің медициналық орталығына дәрігерлік тексеру жасау үшін алып кеткен, боксшы ауруханаға миына қан кеткен соң медикаментозды жағдайда жеткізілген.

Алайда ауруханада Ербосынұлының жағдайына қатысты еш ақпарат бермей отыр.

Бокс кешінің телетрансляторы болған Showtime арнасы келесідей мәлімдеме жасады:

«Ербосынұлының жағдайын бақылап отырмыз, қазіргі таңда біз ойша онымен және жақындарымен біргеміз».