Жаңалықтар 24.11.2022 сағат 17:40

«Үш айдан бері жалақы алмаған»: Атырауда аурухана медбикелері митингке шықты

Атырауда жұқпалы аурулар ауруханасының 40-қа жуық санитары үш айдан бері төлем ала алмай жүр.
«Үш айдан бері жалақы алмаған»:  Атырауда аурухана медбикелері митингке шықты
Бөлісу
Бөлісу
Бөлісу

Атырауда жұқпалы аурулар ауруханасының 40-қа жуық санитары үш айдан бері төлем ала алмай жүр. Осы себепті олар аурухана ғимаратының алдына жиналды, - деп хабарлайды  "Ақ Жайық" басылымы.

Жұмысшылардың айтуынша, соңғы үш айда оларға сақтандыру және "зейнетақы" аударылмаған, соның кесірінен олардың көпшілігі мемлекеттік тұрғын үй бағдарламасына қатыса алмай қалған.

"Менің бір қызым бар - 1 топтағы мүгедек. "Отбасы банкте" баспана кезегінде тұрмын. Жақында "Шаңырақ" бағдарламасы бойынша конкурс болып, зейнетақы жарналары түспегендіктен өтпей қалдым. Ал біздің жалақымыз небәрі 100 мың", – дейді №2 облыстық аурухана қызметкері Айжан Сағындықова.

Аурухана басшылығы төлемдердің кешігуі болғанын мойындап отыр. Өйткені мекеменің белгілі бір компанияға 90 миллион теңге қарызы бар.

"Бізде қаржылық қиындықтар бар екенін барлық қызметкер біледі. Бізге түсетін қаражат тек жалақыға ғана жетеді, өкінішке қарай, зейнетақы мен басқа да төлемдерге жоқ", - деді № 2 облыстық аурухана директорының м.а. Надя Ерғалиева жиыннан кейін өткен кеңесте айтты.

Өз кезегінде облыстық денсаулық сақтау басқармасы басшысының орынбасары Қайсар Әбдалиев арнайы комиссия құрылып, есеп-тексеру жұмыстары жүргізіліп жатқанын айтты. Облыстық денсаулық сақтау басқармасының өкілдері мен Надя Ерғалиева бұл мәселе жыл аяғына дейін шешіледі деп уәде берді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар