$ 443.37 € 474.49 ₽ 4.83
Алматыда өткен кәсіпқой бокс кешінде жеңіліп көрмеген қазақстандық боксшы Садриддин Ахмедов өнер көрсетті.
Ахмедов Оңтүстік Африка Республикасының «Бульдог» лақап аты бар 40 жастағы боксшы Нкулулеко Мхлонгомен жұдырықтасты. Бұл жекпе-жек бірінші орта салмақта өтті және он раундқа есептелген. Нкулулеко Мхлонго бірінші раундтағы нокдауннан кейін екінші раундқа шықпады.
Осылайша Садриддин Ахмедов про-рингте он үшінші жеңісіне қол жеткізсе, Нкулулеко Мхлонго он бірінші рет жеңіліске ұшырады. Мхлонго Оңтүстік Африка чемпионы болды, сонымен қатар WBF кіші белбеуіне ие болған.
