Атырау облысында жантүршігерлік жол апатынан 4 адам қаза болды, - деп хабарлайды Tengrinews.kz тілшісі.
Қайғылы оқиға бүгін таңертең сағат 07:55 шамасында болған.
Ақтөбе - Атырау - Астрахань тасжолының 492 шақырымында Мақат - Қызылқоға бағытында Toyota Ipsum автокөлігінің жүргізушісі көлікті игере алмай, жолдың қарсы бағытына шығып, ауыр жүк көлігімен соқтығысқан.
"Салдарынан 4 адам қаза тауып, 3 адам әртүрлі дене жарақаттарымен Мақат аудандық ауруханасына жеткізілді", - делінген хабарламада.
Оқиға бойынша тергеу амалдары жүргізіліп жатыр.