Министр 10 сотық жердің кімге берілетінін айтты

Жыл сайын республика бойынша 40 мың адамға үй салуға он сотық жер берілетін болады деп жазады "Спутник-Қазақстан" ҚР Инвестициялар және даму министрі Жеңіс Қасымбекке сілтеме жасап.

"Нұрлы жер" бағдарламасы бойынша жеке тұрғын үйлер салынып жатыр. Мәселен, Алматы облысында салынатын баспананың сексен пайызы жеке меншік тұрғын үйлер болады. Тізімде он сотық жерге тұрғандар өте көп. Сондықтан біз әкімшіліктермен мынадай келісімге келдік: инфрақұрылым салған соң ғана он сотық жер беріледі. Инфрақұрылымға жыл сайын бюджеттен ақша беріп жатырмыз. Әрбір облысқа бір жарым миллиард теңгеден астам қаржы бөлінеді", — деді Қасымбек үкіметте өткен баспасөз мәслихатында.

Министрдің айтуынша, республика бойынша жылына 40 мың адам жер алатын болады.