Әлеумет 05.05.2017 сағат 08:29  1595

Шымкент түрмесіндегі сотталушылар біркүндік жалақыларын тасқын судан зардап шеккендерге аударды

Шымкенттегі түрмелердің бірінде жазасын өтеп жатқан сотталушылар өздерінің біркүндік жалақыларын Ақтөбе облысындағы тасқын судан зардап шеккен халыққа жолдады. Мұндай бастаманы жазасын өтеушілердің өздері басшыларына ұсынған деп хабарлады ҚР ІІМ Қылмыстық атқару комитетінің баспасөз қызметі.

Бөлісу
Бөлісу
Бөлісу

Бұл сотталушылар 167/11 түзеу мекемесінде жазасын өтеп жатыр. Тасқыннан зардап шеккендерге қол ұшын созуға оларды ешкім мәжбүрлемеген. Керісінше, идеяны басшыларына өздері ұсыныпты. Кейін 51 сотталушы бұл бастаманы қолдап, ақшаларын арнайы шотқа аударған.

"51 сотталушы өздерінің біркүндік жалақысын зардап шеккендерге аударды. Жазасын өтеушілердің түрме басшылығына өз бастамаларымен шығып, қайырымдылық жасауы қылмыстық атқару жүйесінде өте сирек орын алатын жағдай", - делінген ведомство өкілдері таратқан хабарламада.

Айта кетейік, кешегі сәуір айында еліміздің 6 бірдей облысын тасқын су шайып кеткен еді. Адам шығындары да бар. Бүгінде мамандар су алу қаупі әлі сақталып отырғанын айтады. СҚО, ОҚО, Ақмола мен Қызылорда облыстарында өзендер мен көлдер тағы да арнасынан асуы мүмкін.

Оқи отырыңыз

‡àãðóçêà...

Соңғы жаңалықтар