Қазақстанда енді ұн қымбаттап жатыр

Қыс қарсаңында азық-түліктің де бағасы тағы өсе түсті. Жазғы маусымнан кейін әсіресе көкөністердің құны біраз көтерілген. Бұл жолы ет-сүт, балық және ұн өнімдеріне баға қосылған деп мәлімдеді КТК телеарнасы.

Қазан айының қорытындысы бойынша көкөністер ішінде ерекше қымбаттауымен көзге түскендер қияр, картоп және қызанақ. Ауыл шаруашылығы министрлігі болса, оның бәрі қолдан жасалған деген сенімде. Яғни, бағаның шарықтауына алыпсатарларды кінәлап отыр. Жұмыртқа бағасы 8,3 пайызға артса, ал сүт орташа көрсеткішпен 188 теңгеге дейін барып тұр. Сүзбе мен май қыркүйектің өзінде 2,2 пайызға қымбаттаған болатын. Азық-түлік атаулының ішінде тек қант пен қарақұмық қана арзандаған екен.