Алматыдағы Наурызбай ауданында сел жүрді

Су басу аймағында Жандосов пен Яссауи көшелерінің қиылысының аймағы, Дружба және Ақжар ауылдары қалып қойды. Полиция оқиға орнын қоршауға алды. ҚР ІІМ және ІІМ ТЖК жеке құрамы, сонымен қатар ішкі әскердің әскери бөліміне дабыл қағылды. Куәгерлердің айтуынша, су Яссауи көшесінің бойымен Райымбек даңғылына қарай ағып жатыр. 

Кезекші бөлімге бір әйел хабарласып, Жандосов пен Яссауи көшелерінің қиылысындағы дәріханада жұмыс істейтін қызын құтқаруды сұраған.

Куәгерлерлің хабары бойынша, қаладан шығып кету жолында, "Алтынорда" базарының ауданында жол кептелісі пайда болды. Кейбір жолдарды ІІМ қызметкерлері қоршауға алған. "Апорт" сауда, ойын-сауық кешенінің аумағында да көлік көп.

Оқиғаның мән-жайы анықталып жатыр.