Банк борышкерлері туралы ақпарат бір орталыққа жинақталатын болады

Айта кетейік, ендігі кезекте Мемлекеттік кредиттік бюро жеке тұлғалардың несие тарихы туралы ақпаратпен қамтамасыз ететін болады.

Дербес кредит есебін алу үшін Алматы қаласы, Абай даңғылы, 10а, «A&F» бизнес орталығында орналасқан ұйымға келу керек. Биыл бастапқы өтініш бойынша есеп тегін ұсынылады.

Дербес кредиттік есеп несие тарихының субъектісі болып табылатын тұлғаның жеке деректерін, сонымен қатар оның қолданыстағы және аяқталған қарыз шарттары туралы түпкілікті ақпарат береді.

«Мемлекеттік кредиттік бюро» АҚ-ға өз қарызгерлері туралы ақпаратты 36 екінші деңгейдегі банк, 56 микрокредиттік және микроқаржылық ұйым және банктік операциялардың бөлек түрлерін жүзеге асыратын 14 ұйым жеткізетін болады.

Аталмыш ұйым 2012 жылы 7 тамызда Қазақстан Республикасы Ұлттық Банкі басқармасының 2012 жылғы 4 шілдедегі №213 «Мемлекеттік кредиттік бюро» Акционерлік Қоғамын құруды мақұлдау туралы» қаулысының негізінде құрылды.