Әлеумет 31.05.2019 сағат 23:35

Соңғы төрт күнде Сириядан 171 қазақстандық бала мен 67 әйел елге жеткізілді

Балалар Қазақстан билігінің «Жусан-3» операциясының аясында эвакуацияланған. Олар біраз уақыт оңалту орталығында болады. Ақорданың баспасөз қызметі үш кезеңнен тұрған «Жусан» операциясының аяқталғанын хабарлады.
Соңғы төрт күнде Сириядан 171 қазақстандық бала мен 67 әйел елге жеткізілді
фото: azattyq.org
Бөлісу
Бөлісу
Бөлісу

28-31 мамырда Сириядан Қазақстанға 67 әйел, 171 бала жеткізілді. Бұл туралы 31 мамырда Қазақстан президенті Қасым-Жомарт Тоқаев мәлімдеді.

Балалар Қазақстан билігінің «Жусан-3» операциясының аясында эвакуацияланған. Олар біраз уақыт оңалту орталығында болады. Ақорданың баспасөз қызметі үш кезеңнен тұрған «Жусан» операциясының аяқталғанын хабарлады.

Бұған дейін 9 қаңтарда бұрынғы президент Нұрсұлтан Назарбаев «Жусан-1» арнайы операциясы нәтижесінде Қазақстанның 47 азаматы Сириядан оралғанын мәлімдеген. 7 және 9 мамыр күндері «Жусан-2» операциясы аясында Сириядан Қазақстанның 231 азаматы елге жеткізілген. Олардың 159-ы – бала.

Қазақстан билігінің дерегінше, Сириядан барлығы 357 қазақстандық бала елге жеткізілген.

2018 жылы шілде айында Қазақстанның Ұлттық қауіпсіздік комитеті (ҰҚК) Азаттыққа Сирия мен Иракта соғыс басталғалы Таяу Шығысқа 800-ге тарта қазақстандық кеткенін хабарлаған. Комитет Сирия мен Ирактағы халықаралық террорлық ұйымдарда Қазақстаннан кеткен 120 ер адам, 250-ден астам әйел және 500 бала барын айтқан.

Дереккөз: Azattyq.org

Оқи отырыңыз

загрузка...

Соңғы жаңалықтар

Қызықты материалдар