Әлеумет 09.11.2019 сағат 10:55

«Түнімен ойлайтынмын»: ерекше келіншекке үйленген еркек жұртты таң қалдырды

Кішкентай кезінде дәрігерлер оған «жетілмеген остиогенез» деген диагноз қойған. Яғни, сүйегі морт сынғыш.
«Түнімен ойлайтынмын»: ерекше келіншекке үйленген еркек жұртты таң қалдырды
фото: stan.kz
Бөлісу
Бөлісу
Бөлісу

Әлеуметтік желіде тараған видео қоғамның ерекше назарына ілінді. Атпалдай азамат қуыршақтай кіп-кішкене әйелге сырға салды. Мұны көргендердің пікірі екіге жарылды. Бірі мүмкін емеске жатқызып, хайп десе, екіншілері бақыт тіледі, деп хабарлайды Stan.kz «Астарлы ақиқат» бағдарламасына сілтеме жасап. 

«Хайп үшін» деп жатқан адамдар өмірге сенбейтін, өмірден күдер үзгендер шығар. Алланың құдіретінің күштілігіне сенбейтін адамдар болар. Мен – Эльмираның апасымын. Осы оқиғаның куәгерімін. Отбасымызда 5 бала бар, мен үлкенімін. Құда түсіп келгенде Эльмираға бір мүмкіндік берейік деп ойладық. Бір Аллаға тапсырдық. Бәлкім, Алланың берейін деп тұрған бағы шығар деп біз күйеу балаға сендік», - дейді Света Оспанова. 

Эльмира Оспанова өте сирек кездесетін ауруға шалдыққан. Кішкентай кезінде дәрігерлер оған «жетілмеген остиогенез» деген диагноз қойған. Яғни, сүйегі морт сынғыш. Тіпті, науқасты көрпемен қымтап жапса немесе бұрышы қатты затпен тисе, сүйегі сынып кетуі мүмкін. 

«Қашан маған бақыт береді деп түнімен ойлайтынмын. Кім алады? Кімге керекпіз? Қыздар сондайда «Ештеңе етпейді, табылады» деп айтушы еді. Осы қыздардың тілегі орындалған шығар», - дейді Эльмира Оспанова. 

Сондай-ақ, ол бақыттан еш уақытта күдер үзгісі келмейтінін айтады. Өзінің күйеуі Амангелді мырзамен танысқанда әу баста күдікпен қараған. Бірақ кейін құлай ғашық болғанын жасырмайды. 

«Арамызда сезім болды. Аллаға рахмет айтамын. 40 жасқа толғанымда Алла осылай қосқан шығар деп ойлаймын. Мысалы, күйеуге шығамын деп ойлаған жоқпын. Өзім толқып жылап жібердім. «Өзімнің бақытымды қашан кездестіремін, қашан жолығады» деген ойлар болды. Мені келіп көріп кеткендер де бар», - деді келіншек. 

Оған енді отағасы Амангелді Курбенов өмірінің соңына дейін қамқор болатынын жеткізді. 


 

 

Оқи отырыңыз

загрузка...

Соңғы жаңалықтар

Қызықты материалдар