Елімізде ІІІ тоқсанның кедейлік шегі белгіленді

Қазақстанда 2014 жылдың ІІІ тоқсанына кедейлік шегі мемлекеттік статистика агенттігі есебі бойынша, ең төменгі күнкөріс деңгейінің 40 пайызы мөлшерінде белгіленді, деп хабарлайды Tengrinews.kz «Интерфакс-Қазақстан» ақпарат агенттігіне сілтеме жасап.

Еңбек және халықты әлеуметтік қорғау министрі Тамара Дүйсенованың осыған қатысты бұйрығы сенбі күні ресми баспасөзде жарияланды.

Бұйрық жарияланған күннен бастап күшіне еніп, 2014 жылдың 1 шілдесінен бастап орын алған қатынастарға да тиесілі болады.

Статагенттіктің мәліметіне қарағанда 2014 жылдың маусым айында ең төменгі күнкөріс деңгейі 20 176 теңгені құраған.

Ең төменгі күнкөріс деңгейі-бір айлық азық-түлік себетінің құнына тең, әрбір адамға қажетті ең төменгі қаржылай кіріс. Ең төменгі күнкөріс деңгейінің көлемі адам басына, тұрғандардың жас мөлшеріне және гендерлік тобына қарай республика және аймақ бойынша әр тоқсанға есептеледі.