«4 жылдың ішінде 4 рет әр түрлі еркектен түсік жасаттым» - 23 жастағы бойжеткен

4 жылда 4 рет аборт жасатқан жас қыз жан сырын ақтарды, деп хабарлайды Skifnews.kz ақпарат порталы.

Өзін Жадыра деп таныстырған бойжеткеннің жасы жиырма үште. Оның айтуынша, алғаш рет бойына бала біткенде жасы 20-да болған. Сүйген жігітінен бала көтерген ол, ел-жұртқа масқара болмау үшін жасанды түсік жасатқан. Алғаш рет жатырына біткен сәбимен қоса жігітінен де айрылады. Содан бері Жадыраның өмірінде «бір түндік» еркектер көптеп пайда бола бастаған.

«Алғаш рет аборт жасатқанымда қатты қиналдым. Біраз уақыт өзіме келе алмай жүрдім. Сосын үлкендеу ер азаматтармен кездесе бастадым. Одан кейін де бұл жағдай қайталанды. 3 рет түсік жасаттым. Алғашқыдай емес, бойыма бала біткен кезде бірден сезетін болдым. Ондай жағдайда баланың әкесіне айтамын. Үлкен азаматтар сараң болғанымен, аборт жасату үшін барынша көмектесіп, құтылуға тырысады. Осылайша, төрт жылдың ішінде төрт рет түсік жасаттым. Алғашқыдай емес, салмақты қарап үйреніп кеттім. Бұл маған әдет бола бастағанынан қорқамын», - дейді тараздық ару.

Жадыра өзінің ылғи жекеменшік емханаға баратынын, қаражатын төлесең дәрігерлер оңай аборт жасауға келісетінін жасырмады.

«Бастысы, онда сенің не істегенің ешқандай кітапшаға тіркелмейді. Мен де болашағымды таза парақтан бастағым келеді», - деген бойжеткен, қазір жастар арасында мұндай жағдайлар жиі кездесетінін де тілге тиек етті.