Карантин: Шымкентте той киіміндегі жас жұбайлар саябақта серуендеп жүр (ВИДЕО)

Шымкентте дендросаябақта серуендеген жас жұбайлар қаладағы карантин режимін бұзды, деп хабарлайды Skifnews.kz ақпарат порталы, қалалық Полиция департаментіне сілтеме жасап.

Шымкент қаласындағы Әл-Фараби ауданы полиция басқармасының қыметкерлері А. Асқаров атындағы дендросаябақ алдында серуендеп жүрген жастардың жеке басын анықтап, полицияға жеткізді. Олар өз әрекетін тойдың алдындағы дайындық деп түсіндірген.

Жастар арнайы фотосессия жасап, бейнеролик түсірген. Сондай-ақ, тойды карантин режимі аяқталғаннан кейін өткізуді жоспарлаған. Алайда, маскасыз жүріп, карантин режимін бұзғаны үшін полиция қызметкерлері ол азаматтармен профилактикалық әңгіме жүргізіп, түсініктеме алды.

Оларға қатысты шара қабылдау үшін жинақталған әкімшілік іс құжаттар санитарлық-эпидемиологиялық қызметіне жолданады.