Әлеумет 03.07.2020 сағат 12:40

«Көбісі коронавирустың қауіпті екенін түсінбейді» - заңгер

Төтенше жағдай режимі алынған соң, коронавирусқа немқұрайлы қарау - қоғамның бір бөлігін қауіпті жағдайға әкелді.
«Көбісі коронавирустың қауіпті екенін түсінбейді» - заңгер
Бөлісу
Бөлісу
Бөлісу

Белгілі заңгер, Ұлттық қоғамдық сенім кеңесінің мүшесі Марат Бәшімов қатаңдатылған 14 күндік карантиннің қажет екенін айтты, деп хабарлайды Baq.kz.

"5 шілдеден бастап көптеген шектеу басталады. Бұл дұрыс шешім. Оны түсіндірудің қажеті жоқ. Бұл өзекті, қажетті және мәжбүрлі шешім. Дәл қазір онсыз болмайды. Өйткені айналамызда пневмония және коронавируспен ауырып жатқандар көп. Маска тақпай, ара қашықтық сақтамай жүргендер өте көп. Өзім де сондайлардың талайын көріп жүрмін. Көбі түсінбейді, жеңіл ойлайды. Оларға түсінікті болу үшін "бұлай жүрсең ауру тарайды" деп тіке айту керек", - дейді Марат Бәшімов.

Ол түсінбей, тәртіп бұзғандарды жазалау керек дегенді қолдайтынын айтты. Әйтпесе, ешкім өздігінен түсінбейді деп санайды.

"COVID-19 біздің өмірімізге ұзақ араласары анық. Азаматтарымыз онымен өмір сүруге мәжбүр. Сондықтан қорғанудың амалдарын жасау керек.  Мұның бәрі өзіңізді және жақындарыңыздың өмірін сақтау үшін қажет. Төтенше жағдай режимі алынған соң, коронавирусқа немқұрайлы қарау - қоғамның бір бөлігін қауіпті жағдайға әкелді. Сондықтан осындай қиын кезеңде қатаң карантин режимін қолдаймын", - дейді сарапшы.

Айта кетейік, 2 шілдеде мемлекеттік комиссия эпидемиологиялық жағдайды тұрақтандыру жөніндегі шараларды бекіткен болатын.


 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар