Әлеумет 17.07.2020 сағат 15:40

«Айнұрға жыр айтуға шамаң келіп, билікке дат айтуға қорықтың ба?»: қоғам белсендісі Мұхамеджан Тазабековты сынға алды

Халқың шыбындай қырылып жатқанда, Айнұрға жыр айтуға шамаң келіп, билікке дат айтуға қорықтың ба? «Тығып отырған дәрі-дәрмекті шығар» - деп неге айтпайсың?
«Айнұрға жыр айтуға шамаң келіп, билікке дат айтуға қорықтың ба?»: қоғам белсендісі Мұхамеджан Тазабековты сынға алды
фото: stan.kz, facebook.com
Бөлісу
Бөлісу
Бөлісу

Белгілі заңгер, қоғам белсендісі Айгүл Орынбек Айнұр Тұрсынбаеваға мадақ өлең шығарып, жыр арнаған Мұхамеджан Тазабековты сынға алды, деп хабарлайды Skifnews.kz ақпарат порталы.

Айгүл Орынбек бұл жолы «Айнұрға жыр арнағанша, билікке даттыңды айтып неге жеткізбедің?!», - деп базынасын білдірген.

«Полицияны жинап, халықты ұрып, соғуға шақырып, уағыз айтып лекция оқығанда, делебең қозып тұрып биліктің тілінде сайрап едің!
Халқың шыбындай қырылып жатқанда, Айнұрға жыр айтуға шамаң келіп, билікке дат айтуға қорықтың ба?
«Тығып отырған дәрі-дәрмекті шығар» - деп неге айтпайсың?
Тәжіктерге беретін демді, өз ұлтыңа бер деп неге сайрамайсың?
Халықтың осылай дем жетпей өлуіне, хан жанында жағымпазданып жүрген сендер де кінәлісіңдер!
Қолыңа қару ал демеймін, қолыңа Алла домбыра берді халықтың үнін жеткіз деп!
«Харам» деп тастаған домбыраңды қолыңа қайта алыпсың Айнұр қызға жыр айтуға! Билікке даттыңды айтып неге шықпадың?!
«Асыл арнаңды» ашып алып, жастарды улағанша, «Емдік» арна ашып, халқыңды емдегенде, ұлтыңа пайдаң тиер еді.
Алланың нұрына, халқыңның алғысына шомылар едің!
Қазақ қыздарын барынша, орандырып, үнімізді өшіруге барынша тырысып едіңдер!
Елдің басына жұт келгенде «Қазақ қыздары» халқына дем беріп, өмір сыйлады!
Ұлттың, ұрпақтың жойылмауына қолдарына қылыш пен қамшы алған тағы да сол қазақтың қыздары!
Ал сендер қолдарыңдағы соңғы қамшыларыңды да қыздарға беріп қойдыңдар!
Бұдан кейін ел алдына шығып сайрамай ақ қойсаңдар болады!
Елдің басына қара күн туғанда ашылмаған жақ, бұдан кейін сайрамай-ақ қойса дұрыс болар еді», - деп жазған ол өзінің  facebook парақшасында..

Естеріңзіге сала кетейік, Мұхамеджан Тазабеков осыдан бірнеше күн бұрын арнайы қор ашып, қаржы жинап Түркиядан Қазақстанға тыныс алу аппаратын жеткізіп жүрген Айнұр Тұрсынбаеваға өлең арнаған болатын.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар