Ақтау прокуратурасы 409 жұмысшының жалақысын өндіріп берді

Ақтауда жұмысшылардың 142 миллион теңге жалақысы өндіріліп алынды. Бұл туралы Бас Прокуратураның ресми сайты хабарлады, деп жазады BAQ.KZ.

«Прокурорлық қадағалау актілерімен «АБТМ» ЖШС және «Ақтау электр желілері басқармасы» МКК-індегі 409 жұмысшысының бұзылған құқықтары қалпына келтіріліп, оларға 142 092 388 теңге көлеміндегі жалақы бойынша берешектері толықтай өндірілді», - делінген ақпаратта.

Азаматтардың конституциялық құқықтарының бұзылуына жол берген кінәлі адамдар ҚР Әкімшілік құқық бұзушылық туралы кодексінің 87-бабына сәйкес жауапқа тартылды.

Еңбек заңнамасы талаптарының бұзылу деректері бойынша Ақтау қаласы прокуратурасының сенім телефонына хабарласуға болады.