Әлеумет 25.11.2020 сағат 14:40

Елордада пандемия кезінде 15 мыңнан астам жұмыс орны құрылды

Жұмыссыз қалған көптеген азаматтар осындай іс-шаралардың арқасында жаңа жұмыс орындарын тауып, мемлекеттің қолдауын сезінді.
Елордада пандемия кезінде 15 мыңнан астам жұмыс орны құрылды
Бөлісу
Бөлісу
Бөлісу

Елордада «Жұмыспен қамтудың жол картасы» бағдарламасы аясында жаңа жұмыс орындарын құру жоспары артығымен орындалды. 15 253 бос жұмыс орнын ашу жоспарланып, 15 607 жұмыс орны құрылды. Оның ішінде 7 926 адам жұмыспен қамту орталығы арқылы жұмысқа орналастырылды. Бұл туралы Skifnews.kz ақпарат порталы, елорда әкімдігінің ресми сайтына сілтеме жасап хабарлайды.

«Елорда тұрғындары түрлі салалардағы құрылыспен байланысты 151 инфрақұрылымдық жобалар бойынша жұмысқа тартылды. Жұмыспен қамтудың жол картасы бойынша ең көп сұранысқа ие жұмыс орындары - барлық санаттағы электриктер, дәнекерлеушілер, слесарлар, жүргізушілер. Қазіргі уақытта 45 жоба бойынша жұмыс аяқталды. Осы жобаларды іске асырған мердігерлер 1469 адамды тұрақты жұмыспен қамтыды», - деп хабарлады елордалық Жұмыспен қамту орталығы.

Елордада Жұмыспен қамту жол картасы бойынша жұмысқа қабылдау сәуір айында басталды, өйткені енгізілген төтенше жағдай мен карантинге байланысты көптеген ұйымдар, оның ішінде ШОБ өз жұмысын уақытша тоқтатты. Осы кезеңде жұмыспен қамту орталығы онлайн режимінде жұмыс істеді. Жұмыссыз азаматтар өздерінің тілектерін ескере отырып, жұмыспен қамту орталығына тіркелді. Үміткерлер сәйкес келетін бос жұмыс орындарын таңдады, содан кейін олар жұмыс берушілермен кездесулерге жіберілді.

«Екі апта сайын тікелей эфирде бос орындар жәрмеңкелері, жұмыс берушілермен ZOOM арқылы дөңгелек үстелдер өткізілді. Жұмыссыз қалған көптеген азаматтар осындай іс-шаралардың арқасында жаңа жұмыс орындарын тауып, мемлекеттің қолдауын сезінді. Жұмыс сипатына және бағдарламаға байланысты қатысушылар 85000 - 250.000 теңге көлемінде жалақы алады», - деп атап өтті Жұмыспен қамту орталығы.

Жұмыспен қамту орталығы сонымен қатар жұмыссыздардың жұмыспен қамтылуын және ұсынылған жобаларда жаңа жұмыс орындарының ашылуын қадағалайды. Ол үшін жедел штаб құрылған.

«Жұмыс берушілер мердігерлермен өзара байланысына қарай салалар бойынша жобаларға бөлінді. Әкімшілер жұмыспен қамту орталығы арқылы ашылған жұмыс орындарының және жұмыссыздардың санын бақылап отырды. Бақылау жұмысы бағдарламаның соңына дейін жалғасады», - деп атап өтті мекеме.

«Жұмыспен қамтудың жол картасы» мемлекеттік бағдарламасы - пандемия кезінде жұмыссыздықтың алдын алуға және қосымша жұмыс орындарын құруға бағытталған ауқымды жоба.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар