$ 449.58  486.94  4.86

Белсенділер боксшы Ермаханды сотқа беріп жатыр

Желіде Ибраимовтың наразылық білдірушілердің плакаттарын жыртып тастағаны түсірілген видео тарап кеткен еді.
Фото: ашық дереккөзі
Фото: ашық дереккөзі

Сайлау күні митингіде болған қақтығыстан кейін белсенділер қазақстандық боксшы, 2000 жылғы Олимпиада ойындарының чемпионы Ермахан Ибраимовтың үстінен полицияға арыз беретінін мәлімдеді, деп жазады Stan.kz.

"25 қаңтарда сағат 10.00-де заңгер Ерлан Қалиевпен бірге Алматы полиция департаментіне Ермахан Ибраимовке арыз беруге барамыз", - деп жазды Facebook-те "Демократиялық партия" құру жөніндегі бастамашыл топтың белсендісі Әйгерім Тілеужан.

Бұған дейін бокстан 2000 жылғы Олимпиада чемпионы Ермахан Ибраимовтың Алматыдағы белсенділер өткізген митингке барғанын және сол жерде жанжалды жағдай туындағанын мойындағаны хабарланған.

Еске салайық, 10 қаңтарда мәжіліс депутаттарын сайлау күні Ибраимов Алматыдағы наразылық білдірушілерге қарсы агрессивті әрекетімен көзге түсті. Ибраимов қауіпсіздік күштерінің қоршауын бұзуға тырысқан. Белсенділер оның бұл ісін қорқыту әрекеті деп санайды.

Интернетте Ибраимовтың наразылық білдірушілердің плакаттарын жыртып тастағаны түсірілген видео кадрлар тарап кетті.

Қауіпсіздік күштерінің қоршауында қалған белсенділер "Ермахан, кет!" деп айқайлады, содан кейін боксшы оқиға орнынан кетіп қалды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары