«Жүйке ауруына шалдыққан»: Семейде жоғалған жігіттің денесі табылды

Семейде қала тұрғындары бұрын жоғалып кеткен 22 жастағы Арман Мұхалиевтің денесін тапты, деп хабарлады Sputnik.kz Шығыс Қазақстан облысы полиция департаментінің баспасөз қызметіне сілтеме жасап.

10 мамырда жігіт таңғы сағат 5-те үйден шығып кетіп, қайтып оралмаған. Туыстары дабыл қағып, жоғалған адамды іздеу басталды. Оған полиция қызметкерлері, туыстары, еріктілер және қарапайым қала тұрғындары қатысты.  

Кеше сағат шамамен 19:30-да Арман Мұхалиевтің денесі Ертіс маңындағы көпірдің астынан табылды.

"Оқиғаның мән-жайын және өлімнің себебін анықтау үшін барлық қажетті сараптама жасалады", - деп хабарлады полиция.
Осы жылдың наурыз айында да Семей тұрғыны жоғалып кетіп, үш күннен кейін өлі табылған еді. Ер адамның жүрек ауруына шалдыққаны анықталды.