Білім & Ғылым 18.11.2017 сағат 05:02

Алматыда өткен жиында жас мамандар «3D-протездеу технологиясы» туралы талқылады

Алматы қалалық жұмыспен қамту және әлеуметтік бағдарламалар Басқармасының мәжіліс залында «3D-протездеу технологиясы» тақырыбында дөңгелек үстел өтті.

Бөлісу
Бөлісу
Бөлісу

Жиынға «Әлеуметтік оңалтуды дамыту ғылыми-әдістемелік орталық» РМҚК директорының орынбасары М.Шұғаепов, Алматы қаласы бойынша  еңбек, әлеуметтік қорғау және көші-қон Департаменті директорының орынбасары М.Алдамжарова және басқарманың ардагерлер мен мүгедектермен жұмыс бөлімінің бөлім басшысы Л.Әбжанова, Алматы қаласы емханаларының травматологтары мен ортопед мамандары және протезді қажет ететін мүмкіндігі шектеулі жандар қатысты.

– Жиынның мақсаты – кез келген протездегі жаңа инновациялық тәжірибемен алмасу; дентальді имплантологиядағы стоматологиялық құрылғылар, материалдар және жаңа технологиялар жайлы жаңа ақпарат жинау; сонымен қатар, стоматология саласындағы мамандарды дипломға алғанға дейін және диплом алғаннан кейін жаңа әдістерге оқыту, - дейді ұйымдастырушылар.

Дөңгелек үстелде 3D-протездеу технологиясының қыры мен қазіргі таңдағы мәні туралы айтылды. Және аталмыш протездеу технологиясы туралы жан-жақты зерттеліп, адамға жоғарғы деңгейде қызмет көрсете алатындығы туралы дәлелді мысалдармен талқыланды.

3D-протездеу технологиясы әсіресе қарттар мен мүмкіндігі шектеулі жандарға аса қажет екенін ескерген ұйымдастырушылар дөңгелек үстелге оларды да арнайы шақырған. Ал жиын барысында протез күтімі туралы кеңінен айтылып, пайдалы кеңестер берілді.

– Статистикалық деректерге сәйкес, соңғы 3 жылда Қазақстан халықтары арасында ірі буындарды эндопротездеу бойынша операциялар саны 2 есе, ұршық буынын эндопротездеу 1,5 есе өскен. Соның негізінде ірі буындарды эндопротездеу қажеттілігіне есеп жүргізілген. Буын эндопротездеуге мұқтаж науқастарды тіркейтін компьютерлік бағдарлама әзірленген. Сол бойынша жүйелі жұмыстар жүруде, - дейді ардагерлер мен мүгедектермен жұмыс бөлімінің бөлім басшысы Л.Әбжанова.

Айта кетейік, «3D-протездеу технологиясы» бақылау және негізгі топтағы сан сынуларды емдеу кезінде анатомиялық және функциялық қалпына келтірудің орташа мерзімдерінің өзгешелігі 17 тәулік, жіліншіктің сынуы - 28 тәулік және сан мен жіліншік сынулары бар науқастарды емдеу кезінде - 25 тәулік.

Ал перфузияны күшейтудің аталған тәсілдері аяқтың зақымдалуын және ауруларды кешенді емдеуде, қанмен қамтамасыз етуді жақсартуға маңызды рөль атқаратын патогенезде қолдануға ұсынылады дейді ортопед мамандары.

Ақбота Мұсабекқызы

Оқи отырыңыз

загрузка...

Соңғы жаңалықтар

Қызықты материалдар