Шымкентте ҰБТ-ға дайындық пысықталды

Бүгін Оқушылар сарайында «Ұлттық бірыңғай тестілеуге дайындық барысы» бойынша жиналыс өтті. Оған Шымкент қаласынының Білім саласындағы бақылау департаментінің басшысы Жанат Арысбекқызы Тәжиева, Шымкент қаласы бойынша мемлекеттік қызмет істері және сыбайлас жемқорлыққа қарсы іс-қимыл агенттігі департаментінің сыбайлас жемқорлық профилактикасы басқармасының бас маманы Жазира Салханқызы Әлжанова, Жергілікті полиция қызметі басқармасының бастығы Ерғали Сыбанқұлұлы Сүлейменов, Білім басқармасы басшысының міндетін атқарушы Айгүл Қалыбайқызы Текебаева, мектеп директорлары мен ата-аналар қатысты.

Білім басқармасы басшысының міндетін атқарушы А.Текебаева «Ұлттық бірыңғай тестілеуге дайындық барысы туралы», Жергілікті полиция қызметі басқармасының бастығы Е.Сүлейменов «Ұлттық бірыңғай тестілеу кезінде бітірушілер тарапынан құқықбұзушылық пен келеңсіз оқиғалардың алдын алу мәселелері туралы» және Шымкент қаласы бойынша мемлекеттік қызмет істері және сыбайлас жемқорлыққа қарсы іс-қимыл агенттігі департаментінің сыбайлас жемқорлық профилактикасы басқармасының бас маманы Ж.Әлжанова «Ұлттық бірыңғай тестілеу кезінде сыбайлас жемқорлықтың алдын алу шаралары туралы» тақырыптарында әңгіме қозғады.

«SN.kz»-ақпарат.