Білім & Ғылым 21.06.2019 сағат 22:34

Шымкентте 5463 түлек ҰБТ тапсыруға өтініш берген

Елімізде Ұлттық бірыңғай тестілеу басталды. Сынақ 20-30 маусым аралығында өтсе, Шымкент қаласының мектеп бітіруші түлектері тестті 21-26 маусым аралығында тапсырады.
Шымкентте 5463 түлек ҰБТ тапсыруға өтініш берген
Бөлісу
Бөлісу
Бөлісу

Шымкентте 135 мектепті 8063 оқушы бітіріп, 5463 түлек ұлттық сынақ тапсыруға өтініш берген. Оның ішінде қазақ тілінде – 4454 оқушы, орыс тілінде – 987 оқушы және биылдың ерекшелігі – 22 түлек ағылшын тілінде тапсырмақ. Шымкенттік түлектер сынақты М.Әуезов атындағы ОҚМУ, ОҚМПУ, «Silk Way» халықаралық университеті, Аймақтық-инновациялық университет және Шымкент университеті базасында тапсырады.

Шымкент қаласы білім басқармасы басшысының міндетін атқарушы Айгүл Текебаева ҰБТ пунктерінде қауіпсіздік шаралары бойынша тиісті деңгейде жұмыстар атқарылғанын атап өтті. Оқушылар тарапынан тәртіп бұзудың алдын алу және қауіпсіздік шараларын сақтау мақсатында ұялы байланыс сигналдарын бәсеңдету құралдары, рамалы металл іздегіштер, салқындатқыштар мен бейнетіркегіштермен қамтамасыз етілген.

ҰБТ өткізу пунктері аумағына ата-аналарға қолайлы жағдай жасау мақсатында көлеңкелі шатырлар тігіліп, орындықтар қойылды, сауда қатарлары ұйымдастырылған.

«SN.kz»-ақпарат.

Оқи отырыңыз

загрузка...

Соңғы жаңалықтар

Қызықты материалдар