Қоғам 18.05.2018 сағат 10:47

Мен де достарым сияқты әкеммен тұрсам ғой: Бүлдіршін қыздың хаты көптің көзіне жас үйіртті

Индира Омарова есімді Facebook қолданушысы парақшалардың біріне қызының хатын жариялапты. Онда бүлдіршіннің әке махаббатын аңсап, бақытты өмірді армандайтыны жазылған.

Бөлісу
Бөлісу
Бөлісу

Желі қолданушысы «Мына хатты қызым жазыпты. Оқып жүрегім ауырып кетті» деп жазбаның суретімен бөлісіпті.

Онда бүлдіршін: «Әкем мен анам бақытты болса. Бәріміз бірге тату-тәтті өмір сүрсек қой. Сол кезде сабағымды одан да жақсы оқитын едім. Әкем бізге қайтып келсе ғой. Сол менің арманым. Біз де бұрынғыдан бақытты өмір сүрсек қой. Мен де достарым сияқты әкеммен тұрсам ғой», – деп арманын жазған.

Желі қолданушылары баланы отбасылық бақыттан айырған ата-аналарды кіналады.

«Индира ханым, сіз балаларыңыз үшін отбасыны қалай да сақтап қалуыңыз керек. Жүрегін жаралап отырсыз», «Осындай әйелдерді түсінбеймін. Өтініш адамның жүрегін ауыртпай алып тастаңызшы мына жазбаңызды. Көзіме жас үйірілді», – деп пікір қалдырды олар.

Қыздың анасы болса, балаларымен бірге енесінің үйінде тұрып жатқанын, әкелерінің арада бір келіп тұратынын айтқан.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар