Әкім: Шымкент Лас-Вегастан да әдемі болады

Бұл туралы жергілікті ТВК арнасына  хабарлайды.

Қала көшелеріндегі көпірлер және жерасты өткелдерін аралаған әкім тұрғындарға барынша қауіпсіз жағдай жасау керектігін ескертті. Әсіресе, Әбдірахымов көпірлердің тым қауіпті екеніне екпін түсірген.

«Мына көпірлер тым қауіпті. Құдай сақтасын, адамдар бір-бірін итеріп жіберсе не болады? Біреулер секіріп кетіп, көліктің астына түсуі мүмкін ғой. Біз қанша жерден үнемдеуді ойласақ та, тұрғындарға жайлы жағдай жасауды ұмытпауымыз керек», – деді қала әкімі.

Осылайша, әкім эскалатор салу керектігін айтып, Шымкенттің Лас-Вегастан да әдемі болатынын жеткізді.

Әкім осыдан соң қаладағы жерасты өткелдерін аралап, бұзақылар сындырып кеткен қабырлағарды көреді.

«Жерасты өткелдеріндегі бұзақыларды бақылау үшін күзетші отыратын будка неге қоймасқа?» деген әкімнің сұрағы шымкенттік тәртіп сақшысының көңілінен шыққан жоқ. Осыдан соң, әкім өзіне тиесілі көшеге ғана жауап беремін деген тәртіп сақшысын жерден алып, жерге салды.