$ 448.89 € 477.93 ₽ 4.76
Атмосфералық фронталды бөліктердің өтуіне байланысты 19 қазан күні солтүстік-батыста, солтүстікте, орталықта және республиканың шығысында құбылмалы күн райы күтіледі. Кей жерлерде жауын жауады, шығыста жауын-шашын қатты болады. Тек батыста, оңтүстікте, оңтүстік-шығыста сенбі жауын-шашынсыз өтеді. Сондай-ақ республиканың жекелеген өңірлерінде екпінді жел, көктайғақ, тұман болжанады, деп хабарлайды ҚазАқпарат.
«Қазгидромет» РМК мәліметінше, Ақмола, Костанай, Солтүстік Қазақстан облыстарының кей жерлерінде тұман, көктайғақ күтіледі, жел 15-20 м/с күшейеді.
Павлодар облысының кей жерлерін тұман басады, желдің екпіні 15-20 м/с артады. Түнде жане таңертең көктайғақ болады.
Жамбыл, Атырау, Шығыс Казақстан облыстарының кей жерлерінде тұман болжанады.
Қарағанды облысында түнде және таңертең тұман, көктайғақ күтіледі.
Түнде Қызылорда, Жамбыл, Түркістан облыстарында 1-3 градус үсік жүреді.
