Саясат 13.01.2020 сағат 01:25

Тайваньның Қытайдан тәуелсіз болғанын қалайтын президент қайта сайланды

АҚШ мемлекеттік департаменті Инвэньді екінші рет президент болып сайланғанымен құттықтады.
Тайваньның Қытайдан тәуелсіз болғанын қалайтын президент қайта сайланды
фото: gazeta.ru
Бөлісу
Бөлісу
Бөлісу

Bloomberg есебінше, Цай Инвэнь 11 қаңтарда өткен президент сайлауында шамамен 57,1 пайыз дауыспен жеңіске жетіп, екінші рет Тайвань президенті болып сайланды. 11 қаңтар кешке дейін елдегі сайлау учаскелерінің 99,8 пайызында дауыс саналған, деп хабарлайды Азаттық радиосы.

Инвэнь – Тайваньның Қытайдан тәуелсіздік алғанын қалайтын саясаткер.
Қытай Тайваньды өз территориясы санайды және «бір ел – екі жүйе» принципін ұсынады. Ал Инвэнь алғашқы президенттік мерзімі аяқталуға жақын қалғанда рейтингі сәл төмендеген еді, бірақ, Гонконгтегі Қытайға қарсы наразылық тұсында танымалдығы қайта арта түсті.

Инвэньнің басты қарсыласы – Гаосюн қаласының 62 жастағы мэрі Хань Гоюй. Оның партиясы Пекинмен қарым-қатынасты нығайтуды қолдайды. Алдын ала есеп бойынша, ол 38,6 пайыз дауыс алған.

АҚШ мемлекеттік департаменті Инвэньді екінші рет президент болып сайланғанымен құттықтады.

11 қаңтарда Тайваньда жергілікті парламент сайлауы да өтті. Оның даусы әлі саналған жоқ.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар