Саясат 21.01.2020 сағат 16:00

«Жанына дұрыс команда жинаса»: Айдос Сарым элитамен дұрыс қарым-қатынас орнату керектігін айтты

Өзге этностар көшіп, жастар қалмай бара жатыр.
«Жанына дұрыс команда жинаса»: Айдос Сарым элитамен дұрыс қарым-қатынас орнату керектігін айтты
фото: 365info.kz
Бөлісу
Бөлісу
Бөлісу

Президент жарлығымен Павлодар облысының әкімі болып Әбілқайыр Сқақов тағайындалды. Ол 25 жыл бойы салық саласында жұмыс істеп келеді. Ә.Сқақов бұған дейін түрлі басшылық қызметтерде болғанымен әкім ретінде алғашқы рет бағын сынағалы тұр. Осыған орай, саясаттанушы Айдос Сарымның пікірін білдірді.

«Жаңа әкім ең алдымен не істеуі керек?» деген сұраққа саясаттанушы қысқа да нұсқа жауап берді.

«Қазақстанда үлкен шикізаттық компанияларға «байланған» 5-6 аймақ бар. Павлодар облысының экономикасын жасап отырған - әйгілі Машкеевичтердің тобы. Бюджетке салық сол шикізаттық компаниялардан түсіп отыр. Солармен дұрыс қарым-қатынас орнатып, түсімді көбейтсе. Қасына дұрыс адамдарды жиып, жергілікті нарықты білетін азаматтарды тартса. Бізде кеңес заманынан қалған «шаруақор әкім» деген түсінік бар. Меніңше, әкім алдымен саясаткер болуы керек. Яғни, халықпен тығыз араласып, элитамен де дұрыс қарым-қатынас орнату қажет. Ол - жоғары білімнен емес, мінезден», - дейді Айдос Сарым.

Сонымен қатар, саясаттанушы Павлодар өңірінде қордаланған бірқатар проблемаларды да атады.

«Солтүстік аймақ, әсіресе, Павлодардың халқы өсіп жатқан жоқ. Өзге этностар көшіп, жастар қалмай бара жатыр. Қандастарды тартып, жас мамандарды шақырса, экономиканың еңсесі көтеріледі. Шаруа көп. Жалпы, бұл өзінің бөлек болмысы бар облыс қой. Тұйық. Соны аша білу керек», - деп сөзін түйіндеді Айдос Сарым.

Дереккөз: Azattyq-ruhy

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар