$ 444.22 € 476.38 ₽ 4.82
Елорданың қоғамдық көліктерінде жолақы төлемінің жаңа түрі пайда болады. Қала басшылығы Face Pay деп аталатын жүйені қазір пилоттық жоба ретінде қолға алып жатыр, деп хабарлайды КТК телеарнасы.
Ол адамдардың қарым-қатынасын барынша болдырмау үшін қолданылмақ. Себебі, қалада коронавирустың таралуы бақылауға алынса да, қауіп сол күйі сейілген жоқ. Әрі вирус жас талғамайды.
Қаладағы COVID-19 жұқтырғандардың 40 пайызы 30 жасқа дейінгі жастар екен. Тағы 35 пайызы – 30-50 аралығындағы орта жастағылар. Жаңа пилоттық жоба іске асатын болса, автобусқа кірген жолаушынының бет-әлпетін камералар танып алады да, жолақы оның есепшотынан автоматты түрде алынады. Ол кезде жолақыны картамен төлеудің де керегі болмай қалады.
Дегенмен, бұл – әлі жоспар күйіндегі дүние. Ал жағдай қазіргідей бақылаудан шығып кетпейтін болса, қала маңындағы ауылдарға да автобус қатынай бастауы мүмкін.
