«Биліктің ауысуы – қауіпті сәт»: Назарбаев туған күні қарсаңында тың сұхбат берді (ВИДЕО)

Бүгін елбасының баспасөз қызметі «Пусть следующие поколения сделают лучше меня...» деп аталатын орысша түсірілген деректі фильмінің анонсын жариялады, деп хабарлайды Skifnews.kz ақпарат порталы.

Айта кетсек, 6 шілде күні сағат 21.40-та «Хабар» телеарнасынан көрсетілетін деректі фильм – журналист Айгүл Әділова мен елбасы баспасөз қызметінің арнайы жобасы. Сондағы сұхбат барысында Нұрсұлтан Назарбаев билік транзиті мен коронавирус пандемиясының әсеріне тоқталып өткен. 

«Биліктің ауысуы – қауіпті сәт. Бұл кезде үнемі тәртіпсіздіктер болады. Барлық саяси күштер бас көтереді. Мен осыны ескердім», - дейді экс-президент.

Оның айтуынша, коронавирус билік жақсы басқаратын елдердің қиындыққа төтеп бере алатынын көрсеткен. Ол адамдар көз жұмып жатқан жағдайда жылдам шешім қабылдау аса маңызды екен.