$ 444.22 € 476.38 ₽ 4.82
Үкіметтің баспасөз қызметі премьер-министр Асқар Маминнен коронавирус анықталғаны туралы хабарламаға қатысты пікір білдірді, деп хабарлайды Skifnews.kz ақпарат порталы Tengrinews.kz сайтына сілтеме жасап.
Мұның алдында желіде премьер-министрдің коронавирус жұқтырып, ем алып жатқаны туралы хабарлама тараған болатын. «Асқар Ұзақбайұлының жағдайы дұрысталды, бірақ әлі де кішкене әлсіздік бар», - деп делінген болатын дерек көздерінде.
«Telegram-да кейбір каналда премьер-министр Асқар Маминнен коронавирус анықталып, емделіп жатқаны туралы тараған хабарлама шындыққа сәйкес келмейді, ол фейк. Қазіргі уақытта үкімет басшысы жұмыс кестесі бойынша жұмыс істеп, 10 шілдеде Мемлекет басшысының қатысуымен өтетін үкіметтің кеңейтілген отырысына дайындалып жатыр», - деді үкіметтегілер.
Сондай-ақ, ведомство қазақстандықтардан тек ресми дереккөздерге сенуге шақырды.
