Саясат 01.09.2020 сағат 16:20

«Мемлекеттік аппарат қызметкерлерін қысқарту жұмысын тездетуді тапсырамын» - Тоқаев

Президенттің айтуынша, биыл мемлекеттік және квазимемлекеттік сектор қызметкерлерінің санын 10 процентке, ал келесі жылы тағы 15 процентке қысқарту қажет.
«Мемлекеттік аппарат қызметкерлерін қысқарту жұмысын тездетуді тапсырамын» - Тоқаев
Фото: Sputnik / Сергей Субботин
Бөлісу
Бөлісу
Бөлісу

Қазақстан президенті Қасым-Жомарт Тоқаев мемлекеттік аппарат пен квазимемлекеттік сектор қызметкерлерін қысқарту жұмысын тездетуді тапсырды, деп хабарлайды Sputnik Қазақстан тілшісі.

"Пандемия мен мемлекеттік орган қызметкерлерінің басым бөлігін қашықтан жұмыс істеу режиміне ауыстыру шаралары мемлекеттік аппаратты қысқартуға болатынын және қысқарту қажет екенін көрсетті. Осы орайда мемлекеттік аппарат пен квазимемлекеттік сектор қызметкерлерін қысқарту жұмысын тездетуді тапсырамын", – деді Тоқаев парламент палаталарының бірлескен отырысында.

Президенттің айтуынша, биыл мемлекеттік және квазимемлекеттік сектор қызметкерлерінің санын 10 процентке, ал келесі жылы тағы 15 процентке қысқарту қажет.

"Осылайша, шенеуніктерді 25 процентке қысқарту міндетін 2021 жылда орындай аламыз. Цифрландыруды ескере отырып, осы бағыттағы жұмысты жалғастыру шешімін қабылдаймыз. Ал үнемделген қаражат есебінен жұмыста қалған қызметкерлердің жалақысы көтеріледі", – деп атап көрсетті Тоқаев.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар