Болат Өтемұратов пен Роза Рымбаева «Алматы қаласының құрметті азаматы» атағын алды

Алматы күні қарсаңында қалалық мәслихаттың VI шақырылымының XVII сессиясы өтіп, 10 адамға «Алматы қаласының құрметті азаматы» атағы берілді, деп хабарлайды Skifnews.kz ақпарат порталы, oinet.kz-ке сілтеме жасап.

Сонымен, «Алматы қаласының құрметті азаматы» атағын алғандар:
1. Каюпова Нина Амировна – 1936 жылы туған, дәрігер, профессор, акушерия, гинекология және перинатология ғылыми орталығының бас ғылыми қызметкері;
2. Беркімбаева Шәмша Көпбайқызы – 1942 жылы туған, қоғам қайраткері, Қазақстан Республикасының бұрынғы Білім және ғылым министрі;
3. Рымбаева Роза Қуанышқызы – 1957 жылы туған, эстрада әншісі, киноактриса, оқытушы-профессор;
4. Жолжақсынов Досхан Қалиұлы – 1951 жылы туған, театр және кино актері;
5. Өтемұратов Болат Жәмитұлы – 1957 жылы туған, мемлекет және қоғам қайраткері;
6. Қуандықов Тілеуберді Кеңесбайұлы – 1973 жылы туған. А.Н. Сызғанов атындағы Ұлттық ғылыми хирургия орталығының анестезиология және реанимация бөлімінің меңгерушісі;
7. Жұмаділ Қабдеш – 1936 жылы туған, Қазақстанның халық жазушысы;
8. Алшанов Рахман Алшанұлы – 1947 жылы туған, Алматы қаласы Қоғамдық кеңесінің төрағасы;
9. Асанов Тұрарбек Мәжілұлы – 1951 жылы туған, мемлекет және қоғам қайраткері;
10. Бижанов Ахан Хұсайынұлы – 1949 жылы туған, Алматы қалалық ардагерлер кеңесінің төрағасы.