Саясат 27.09.2020 сағат 23:45

Мамин Татарстан президентімен Қостанайда көлік жасауға уағдаласты

Үкімет басшысы автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайтынын атап өтті.
Мамин Татарстан президентімен Қостанайда көлік жасауға уағдаласты
Бөлісу
Бөлісу
Бөлісу

Қостанайда премьер-министр Асқар Мамин мен Татарстан президенті Рустам Минниханов кездесіп, үш бірдей автомобиль жасау жобасын бастап берді. Нысандарға тартылған инвестиция көлемі 261 миллиард теңгені құрайды, деп хабарлайды Skifnews.kz ақпарат порталы, primeminister.kz сайтына сілтеме жасап.

Келісімге сәйкес, алдағы уақытта Қостанай индустриялық аймағында «КамАЗ» шойын құймасы мен жүк техникасының шанақ-арқалығына арналған құрамдас бөлшектер өндіру зауыты салынып, Қарағанды облысының Саран қаласында автомобиль шиналары өндірісі ашылады. Бұл жердегі шектес салаларды ескере отырып, өндіріс орнында шамамен 1 200 жаңа жұмыс орны құрылады деп жоспарланған. Ал зауыттардың құрылысын 2023 жылы аяқтау көзделген.

Үкімет басшысы автомобиль жасау саласындағы жаңа жобалар Қазақстан мен Ресей арасындағы өнеркәсіптік кооперацияның нақты практикалық кеңеюін айғақтайтынын атап өтті.

«Автомобиль жасау саласындағы өндіріс көлемі жыл басынан бері 51,8%-ке ұлғайды. Негізгі капиталға салынған инвестициялар 6,6 еседен астам – 9,4 миллиард теңгеге дейін артты», – деді Мамин.

Шара аясында Үкімет басшысына ауыл шаруашылығы техникасын жинау және кәдеге жарату зауыты мен «КамАЗ» инжиниринг орталығын ашудың бірлескен Қазақстан-Ресей жобасы таныстырылды.

Сондай-ақ, кездесуде ресейлік «КамАЗ» бен «Татнефть» және өзбектің «UzAuto» компаниясының басшылығымен автомобиль жасау саласындағы ынтымақтастықты одан әрі дамыту келешегі талқыланды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар