Саясат 22.02.2021 сағат 12:40

Мәдениет және спорт вице-министрінің жемқорлық жасап, ұсталғаны рас па?

Айта кетсек, Сәкен Мұсайбеков 2020 жылдың мамыр айынан бастап Мәдениет және спорт министрлігінде қызмет етуді бастаған.
Мәдениет және спорт вице-министрінің жемқорлық жасап, ұсталғаны рас па?
Фото: ашық дереккөз
Бөлісу
Бөлісу
Бөлісу

Мәдениет және спорт вице-министрінің жемқорлық қылмысына күдікті ретінде ұсталғаны туралы ақпарат YEDILOV ONLINE Telegram-каналында пайда болды. Онда шенеуніктің Нұр-Сұлтан – Дубай рейсінен түсірілгені айтылған.

Azattyq Ruhy тілшісі аталған жайтқа қатысты Сыбайлас жемқорлыққа қарсы іс-қимыл агенттігіне хабарласқан болатын. Антикордың ресми өкілі Нұрбек Нәбиев аталған жайтты растаған жоқ, бірақ жоққа да шығармады.

«Аталған жаңалыққа қатысты қазір ешқандай мәлімет бере алмаймын. Сұрақтарыңызды жұма күні өтетін брифингте қоя аласыздар», - деді баспасөз хатшысы Нұрбек Нәбиев.

Ал, Мәдениет және спорт министрлігінің баспасөз қызметінің хабарлауынша,  вице-министр Сәкен Мұсайбеков еңбек демалысына кеткен. 

«Вице-министрдің ұсталғаны туралы ақпарат жоқ. Сәкен Мұсайбеков 22 ақпан мен 5 наурыз аралығында еңбек демалысына кеткен. Мемлекеттік қызметкерлер еңбек демалысы үшін алдын ала хат жазып, жоспарлы түрде демалысқа шығады», - дейді министрліктің баспасөз қызметі.

Айта кетсек, Сәкен Мұсайбеков 2020 жылдың мамыр айынан бастап Мәдениет және спорт министрлігінде қызмет етуді бастаған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар