Саясат 18.03.2021 сағат 12:40

ҚР елшісі Армения президентіне сенім грамоталарын тапсырды

Сондай-ақ Елші Президент Қасым-Жомарт Тоқаевтың елді одан әрі демократияландыруға бағытталған жаңа реформаларымен, экономикалық жаңғыртудың өзекті бағдарламаларымен және Қазақстанның халықаралық бастамаларымен таныстырған.
ҚР елшісі Армения президентіне сенім грамоталарын тапсырды
Бөлісу
Бөлісу
Бөлісу

Қазақстан Елшісі Болат Иманбаев Армения Президенті Армен Саркисянға сенім грамоталарын тапсырды. Бұл туралы Skifnews.kz Сыртқы істер министрлігінің баспасөз қызметіне сілтеме жасап хабарлайды.

Салтанатты рәсімнен кейін өткен кездесу барысында тараптар сауда-экономикалық және мәдени-гуманитарлық өзара іс-қимылды кеңейту қажеттілігіне баса назар аудара отырып, ынтымақтастықтың басым бағыттарын егжей-тегжейлі талқылады.

«COVID-19 пандемиясынан туындаған қолайсыз жағдайға қарамастан, 2020 жылы екі есе өскен сауданың оң динамикасына өзара қанағаттану байқалды. Іскерлік байланыстарды дамыту және инвестициялар, қаржы және жоғары технологиялар салаларында бірлескен жобаларды әзірлеу бойынша бірлескен күш-жігерді жалғастырудың маңыздылығы атап өтілді. Ағымдағы жылы сауда-экономикалық ынтымақтастық жөніндегі бірлескен үкіметаралық комиссияның отырысын өткізу жөніндегі жоспарлар талқыланды», - делінген ақпаратта.

Сондай-ақ Елші Президент Қасым-Жомарт Тоқаевтың елді одан әрі демократияландыруға бағытталған жаңа реформаларымен, экономикалық жаңғыртудың өзекті бағдарламаларымен және Қазақстанның халықаралық бастамаларымен таныстырған. Өз кезегінде «Армения Президенті еліміздің жетістіктеріне, сондай-ақ Қ. Тоқаевтың бастамасымен қолға алынған саяси реформаларға жоғары баға берді. А. Саркисян қазақстандық қоғамның бірлігі мен ұлттық келісім моделінің бірегейлігін және Қазақстанның Тұңғыш Президенті – Елбасы Нұрсұлтан Назарбаевтың оны табысты іске асырудағы негізгі рөлін ерекше атап өтті. Халықаралық саяси диалогтың сенімді деңгейін және қолда бар әлеует пен қос өзара іс-қимылдың келешегін атап өтіп, ол сондай-ақ Қазақстан басшылығына өзінің ізгі тілектерін жеткізуді сұрады.

Әңгіме соңында А. Саркисян Елшіні қызметіне ресми кірісуімен құттықтап, дипломатиялық миссиясын іске асыру ісінде табыс тіледі», - деді ҚР СІМ-нен.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар