Саясат 09.11.2021 сағат 13:20

Мемлекет басшысы Жоғарғы сот төрағасы Жақып Асановты қабылдады

Қазақстан Президентіне сот жүйесін жаңғырту жұмыстары жөнінде мәлімет берілді.
Мемлекет басшысы Жоғарғы сот төрағасы Жақып Асановты қабылдады
Фото: inform.kz
Бөлісу
Бөлісу
Бөлісу

Мемлекет басшысы Жоғарғы сот төрағасы Жақып Асановты қабылдады. Қазақстан Президентіне сот жүйесін жаңғырту жұмыстары жөнінде мәлімет берілді, деп хабарлайды Ақорданың баспасөз қызметі. 

Жоғарғы сот төрағасы Мемлекет басшысына Әкімшілік рәсімдік-процестік кодекс күшіне енгеннен кейінгі 4 ай ішіндегі нәтижелер туралы айтты. Оның айтуынша, жаңа кодекстің енгізілуі шенеуніктердің ойлау жүйесін өзгертуге және тәртібін күшейтуге бағытталған. 

Сонымен қатар Жақып Асанов Президентке дау-жанжалдарды шешудің баламалы тәсілдерін енгізу, сыбайлас жемқорлыққа қарсы жаңа жобаларды ілгерілету, біркелкі сот тәжірибесін және қылмыстық процесте тараптардың шынайы жарысын қамтамасыз ету жөнінде баяндады. 

Қасым-Жомарт Тоқаев жүргізіліп жатқан реформалардың заң үстемдігін толық қамтамасыз етуі, азаматтардың құқықтарының қорғалу деңгейінің артуына септігін тигізуі және биліктің сот тармағына деген қоғамның сенімін күшейтуі қажет екенін атап өтті.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар