Саясат 13.10.2022 сағат 17:40

Путин өзін күтіп алуға барған Әлихан Смайыловтың қолын алмады

Путин гүлден де, қолдан да бас тартқан сияқты.
Путин өзін күтіп алуға барған Әлихан Смайыловтың қолын алмады
Фото: eadaily.com
Бөлісу
Бөлісу
Бөлісу

Бүгін Қазақстанға Ресей президенті Владимир Путин келді. Ол Азиядағы өзара іс-қимыл және сенім шаралары жөніндегі кеңестің VI саммитіне қатысу үшін Астанаға арнайы келіп жатыр.

Путинді Қазақстан президенті Қасым-Жомарт Тоқаев күтіп алған жоқ, орнына премьер-министр Әлихан Смайыловты жіберді. Путиннің ұшақтан түскен сәті таспаланған видеода Путин өзін күтіп алуға шыққан Смайыловқа алыстан қол көтеріп, траптан түскен бойы тоқтамай, көлікке отырады, деп жазады malim.kz порталы. 

Смайылов Путинді ғана емес, Қырғызстан президенті Садыр Жапаров пен Әзірбайжан президенті Илхам Әлиевті, Беларусь президенті Александр Лукашенконы, Тәжікстан президенті Эмомали Рахмоновты, Иран президенті Ибрахим Раисиді, Өзбекстан президенті Шавхат Мирзиеевтерді қарсы алған. Оның барлығы Смайыловпен қол алысып, ілтипат білдірген. Смайылов тіпті кейбір президенттерді гүлмен қарсы алған.

Жалпы, мұндай ресми қарсы алуларда бәрі алдын ала келісіледі десек, Путин гүлден де, қолдан да бас тартқан сияқты. Оның бұл әрекетін Тоқаевтың өзі күтіп алмағанына көрсеткен қыры деп бағалап жатқандар бар.

Қасым-Жомарт Тоқаев кеше Түркия президенті Режеп Тайып Ердоған мен Қатар әмірі шейх Тәмим бен Хамад Әл Тәниді өзі күтіп алды.

Осы жылдың сәуір айында Қасым-Жомарт Тоқаевты Ресейге барған сапарында оны Внуково-2 әуежайынан сыртқы істер министрінің орынбасары Александр Панкин мен министрліктің әкімшілік хаттама департаментінің бастығы Игорь Бордашев күтіп алған. Бұл «қасақана көңіл бөлмеушілік» ретінде қоғамда біраз талқыға түскен.   

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар