$ 449.58  486.94  4.86

Ұлытау облысында жолаушылар пойызы алты жылқыны қағып кетті

Бірақ соқтығысудың алдын алу мүмкін болмады. Салдарынан пойыз 6 жылқыны қағып кетті.
Фото: azattyq-ruhy.kz
Фото: azattyq-ruhy.kz

Ұлытау облысында жолаушылар пойызы алты жылқыны қағып кетті, деп хабарлайды Azattyq Rýhy.

4 ақпан Манадыр-Жомарт аралығында Алматы-Жезқазған жолаушылар пойызының машинисі теміржол жолдарында жайылып жүрген жылқыларды байқап, соқтығысуды болдырмауға тырысып, шұғыл тежеуді қолданғаны туралы хабарлаған. Бірақ соқтығысудың алдын алу мүмкін болмады. Салдарынан пойыз 6 жылқыны қағып кетті.

Жоспарсыз пойыз тұрағы 8 минутты құрады.

Аталған факті бойынша оқиға орнына жедел-тергеу тобы барды. Үй жануарларының иесі болып табылатын 59 жастағы жергілікті тұрғын анықталды.

Ер адамға қатысты ҚР ӘҚБтК-нің 559-бабының 1-бөлігі «Темiржолдардың бөлінген жолағында мал жаю қағидаларын бұзу» бойынша әкімшілік хаттама толтырылып, 5 АЕК мөлшерінде айыппұл салынды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары