Еркебұлан Тоқтар қарсыласын нокаутқа жіберді

Ол шығармашылық пен спортты үйлестіре отырып, өз елінің атын түрлі салада асқақтатып жүр.

Фото: instagram.com/erkebulan_toktar/

Алматыда өткен Nomad Fighting 11 турнирінде қазақстандық спортшы әрі актер Еркебұлан Тоқтар кезекті жарқын жеңісіне қол жеткізді. Жеңіл салмақта өткен жекпе-жекке оның қарсыласы ресейлік Фарид Ядуллаев болды, деп хабарлайды Skifnews.kz ақпарат порталы Azattyq Rýhy сайтына сілтеме жасап.

Үш раундқа жоспарланған жекпе-жек небәрі 47 секундта аяқталды. Тоқтар қарсыласын ауыр соққымен нокаутқа жіберді.

Айта кетейік, ол аралас жекпе-жек (ММА) бойынша кәсіби мансабында 9 мәрте жеңіске жетіп, 3 рет жеңіліске ұшыраған. Соңғы кездесуін Еркебұлан 2023 жылдың қараша айында өткізіп, египеттік Хайсам Эль-Саедті де бірінші раундта нокаутпен жеңген болатын.

Спорттан бөлек, Еркебұлан Тоқтар – кәсіби актер. Ол шығармашылық пен спортты үйлестіре отырып, өз елінің атын түрлі салада асқақтатып жүр.

Nomad Fighting 11 турниріндегі Еркебұланның жеңісі оның жанкүйерлеріне үлкен қуаныш сыйлады.