Елдос Сметов халықаралық дәрежедегі «Жыл дзюдошысы» атағына үміткер

Халықаралық дзюдо федерациясы «Жыл дзюдошысы» атағына үміткерлердің тізімін жариялады, деп жазады Skifnews.kz ақпарат порталы.

Тізімде қазақстандық дзюдошы, Париж Олимпиадасының жеңімпазы, Рио Олимпиадасының күміс және Токио Олимпиадасының қола жүлдегері Елдос Сметов те төбе көрсекен. 

Халықаралық жыл дзюдошы атығына үміткерлер:

• Хифуми Абэ (Жапония);
• Хидаят Гейдаров (Әзірбайжан);
• Лаша Бекаури (Грузия);
• Елдос Сметов (Қазақстан);
• Таканори Нагасе (Жапония);
• Зелим Коцоев (Әзірбайжан);
• Тедди Ринер (Франция).

Бұл дзюдошының бәрі – Париж Олимпиадасының чемпионы. Тіпті, арасында екі дүркін олимпиада жеңімпаздары да бар. Сондықтан, қазақстандық спортшыға оңай болмасы анық. 

Еске салайық, 2023 жылғы «Халықаралық жыл дзюдошы» атағы ерлерден грузиялық Тато Григалашвилиге табысталса, әйелдерден жапониялық Ута Абэ осы атаққа ие болған еді. 

Аталған номинация жеңімпазына жүлде 2025 жылы Париждегі «Гранд Слэм» турнирінде табысталмақ.